Fandom

Klingon Wikia

yaghHom

220pages on
this wiki
Add New Page
Talk0 Share

yagh machqu' 'oH yaghHom'e'. machqu'mo', leghlu'meH, 'ut jan le'. DIS 1675, yaghHommey tu' Humanpu'. Sarqu' yaghHommey. bIQ taS ngaSchugh tera' puH, vaj pa' yaghHommey lutu'lu'bej. bIQ tuj, bIQ'a' bIS'ub, tera' Dechbogh SIpmey jen, naghmey qoD je Dab. Hap nonmoHmo', 'ej vaj chenbogh Hap natlhqa'laHmo' tI, potlhqu' yaghHommey. voQSIp lujonlaHmo' 'ut. muD Dotlh SIghlaH je qen 'e' lunoHchoH tejpu'.

Sojmey vutmeH, 'ej quH ngoq raQmeH, yaghHommey lo' nuvpu'. 'ach Humanpu', latlh Ha'DIbaHmey, pochmey je yot 'ej ropmoH 'ej HeghmoH 'op yaghHommey.

qunEdit

YaghHom.jpg

ghewHom'e' luleghlaHbe'bogh Humanpu'

tera'Daq chenbogh Depmey wa'DIch bIH yaghHommey. QIt 'ItlhchoH, 'ej qaStaHvIS poH nI', yaghHommey bIH Hoch yaghmey'e'. nom law'choHlaH yaghHommey HochHom 'ej quH ngoqmeychaj tamlaH mutmey pImqu'. quH ngoq tamqa'ghach SaSmo', choH Do nIvmo' je, nom 'ItlhchoHlaH. rop QeDvaD, potlh Dovam nIv. qen chen Herghmey qaDbogh yaghHommey'e'.

yaghHommey bopbogh qechmey wa'DIch'e' ghaj Marcus Terentius Varro. Satlh bop paqDaj. chenmo' 'op Depmey mach'e' leghlaHbe'bogh mInDu', puHmey yIQ luDabbe'lu' 'e' qeS. mu'tlheghvammo', ropmoHlaH yaghmey luleghbe'lu'bogh 'e' Harlaw' nughvam tIQ. al-Andalus pawDI' rop'a' qIj, ropmoH Human porgh lu'elbogh Dolmeyqoq'e' 'e' noH Ibn Khatima. 'ach ngugh, yaghHommey lutu'lu'bej wej net Sovchu'. yaghHommey leghmeH jan le' Hutlhmo', wej tob 'ej wej DelmeH qar.

tagha' yaghHommey tu' Anton van Leeuwenhoek. jan le' 'oghbogh lo'. HIq moj naH 'ej rogh nIm 'ej nonchoH Soj, 'ach yaghHommey tu'pa', wanI'vammey meq Sov pagh. wanI'vammey QIjbe' ghaH, 'ach jan le'Dajmo', yaghmey'e' leghbe'laHbogh mInDu' lutu'lu' net SovchoH.

chanDoqDaq chenlaH yaghHommey, chanDoq SIchlaHchugh neH muD 'e' tu' Lazzaro Spallanzani. chanDoq publu'chugh, watlhmoHlu' 'ej Hegh yaghHommey 'e' tu' je. yaghHom nger cher Louis Pasteur. ropmoH yaghHommey 'e' cher Robert Koch.


Daqmey DabboghEdit

ghor Hoch luDab. chuch Debmey, Debmey tuj, bIQ tuj, naghmey, bIQ'a' bIS'ub je Dab. Daqmeyvam QatlhDaq je, chenpu' mIDmey. SIp tu'lu'be'chugh je taHlaH 'op yaghmey 'ej woj SIQtaH, 'ej vaj chaq Hur loghDaq taHlaH.

potlhmeyEdit

Humanpu'vaD, tera' yInvaD je 'utchu' yaghHommey. muDvo', voQSIp, meQpu'bogh Hap SIp je jonqa'. yInbe'choHbogh Hap nonmoH 'ej lo'beHmoH. HIq lIngmeH, 'ej Soj vutmeH, 'ej Soj choqmeH, 'ej nIm roghmoHmeH, 'ej bIQ watlhmoHmeH, 'ej nIn lIngmeH, 'ej quH ngoq QulmeH, yaghHommey lo' Humanpu'. yaghHom veS 'oH yaghHom lo'bogh veS'e'. botlh bov, tlhoy'mey DungDaq, porghmey ngejlu'pu'bogh luwoDlu'.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on Fandom

Random Wiki