FANDOM


tlhIngan Hol ghojmoHbogh 'ej lo'bogh 'ampaS 'oH tlhIngan Hol yejHaD'e'.

motlh Edit

Klingon Language Institute (KLI) 'oH DIvI' Hol pongDaj'e'. USADaq 'oH yaHDaj'e'. 2500 muvwI'pu' ghaj KLI. vaghmaH yoSmey luDab, Hoch tera'Daq SepmeyDaq chaH lutu'lu'. qaStaHvIS DIS poH loSlogh HolQeD paqHom lIng yejHaD. Hoch DIS qep'a'Daq ghom muvwI'pu', tlhIngan hol jatlhmeH 'ej ghojmeH 'ej ja'chuqmeH. jInmol law' ta' neH yejHaD. paq'a' (bible) mughlu'taH, 'ej Hamlet mughlu'ta'.

qo'mey poSmoH Hol 'oH tlhIngan Hol yejHaD bey'a'.

qun Edit

tera' DIS 1992 USA-Daq KLI taghlu'. vagh jaj nI' qep'a', pa' ghom Hoch tlhIngan Hol jatlhwI' tIvwI' je. tlhIngan Hol jatlhlu', 'ej loQ DuSaQ rur wanI'. reH USA-Daq qaSpu' qep'a', 'ach DIS 2001 BrusselsDaq (Europe SepDaq) qaSpu' qep'a' chorghDIch. qep'a' Suchbe'laHchugh vay, vaj qepHom jeSlaH je.

DIS 2003 qep'a'Daq ghe'naQ'a' chenmoHpu' vay'. Earthlings, ugly bags of mostly water ("tera'nganpu', bIQ ngaSwI' moH") 'oH lutvam pong'e'.

DevwI' Edit

tlhIngan Hol yejHaD tagh 'ej Dev Lawrence M. Schoen, Ph. D.

roD taghwI'pu' pabpo' wIvlu'. taghwI'pu'vaD tlhIngan Hol ghojmoHwI' QIjwI' Da ghaH. Qu'Daj bupDI' pabpo'vam, 'utlh moj 'ach pabpo' ghaHtaH. DaHjaj cha'maH pabpo'pu' ghaj yejHaD.

Marc Okrand Sovqu' yejHaD, tlhIngan Hol 'oghwI' ghaH. Hoch qep'a' Suchta' ghaH. pa' mu'tay' neHlu'bogh tetlh ngev, 'ej chaq 'oHvaD jang. ghIq HolQeDDaq mu'mey chu' lu'aghlu'.

paqmey Edit

  • HolQeD
loSlogh paqHomvam lIng tlhIngan Hol yejHaD. pab qellu', tlhIngan ghItlhmey, latlh De' potlh ghaj.
  • A Pictorial Guide to the Verbal Suffixes of tlhIngan Hol (1995, ISBN: 0-9644345-0-4)
wot mojaqmey Delbogh paq“. mojaqmey Delbogh nagh beQmey'e' ghaj paqvam. Do'Ha' paqvam tu'lu'be'.
tlhIngan HolvaD lutvam mughta' Roger Cheesbro, loQ ghItlh Lawrence M. Schoen je.
Hamlet ta' puqloD lotlut mughta' Nick Nicholas, QaHta' KLI. jInmolvam taghlu', Hov leng 6: Sep tu'be'lu'ta'bogh jatlhmo' ghorqon Qang (David Warner): „SeQpIr tIvqu'meH 'ej yajqu'meH tlhIngan Hol lut DalaDnIS.“ .
latlh SeQpIr jInmol, mughta' je Nick Nicholas.
  • From the Grammarian's Desk (ISBN: 0-9644345-3-9)
HolQeDvo' pab qelqu'pu' HoD Qanqor, tlhIngan Hol yejHaD pabpo'na'. jeSwI' wa'DIch ghajbej. Do'Ha' paqvam tu'lu'be'.

Hur De' Edit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki