FANDOM


   SKI: This article is about Klingons, a race from Star Trek.   

Wikipedia W.jpg

This article was originally created inside the Klingon language section of Wikipedia.

SuvwI' Segh yoq chaH tlhInganpu''e'.

De' motlhEdit

beta joghDaq juHqo'chaj tu'lu'. roD 'oHvaD Qo'noS ponglu'. tlhIngan Hol lujatlh. potlh batlh may' je 'e' luHar. Quch gheghqu'mo', DIr rItlh Hurghmo' rolmo' je tlhInganpu' ghovlu'. tlhIngan yaghDaq cha'logh luHDu' law' tu'lu', bIraqlul 'oH wanI' pong'e'.

pIm tlhIngan porgh Human porgh je.

tIghEdit

tIQqu' tlhIngan Segh tIgh je, 'ach mungDaj qonlu'be'. Qo'noS yuQ luDab tlhInganpu'. Hov Hop bav yuQvam, wa'vI'vaghlogh tera' 'aD 'oH.

juHqo' monDaq vaS'a' tu'lu'. ngoch luchermeH 'ej wo' San luwuqmeH pa' ghom tlhIngan yejquv DevwI'pu'. Qo'noSDaq Dev tuqmey pIm. yejquvvaD wa' 'oSwI' lungeH 'op tuq. pa' yejquv DevwI''a' luwIv. DevwI' woQ 'oS quvDaj, yaymeyDaj, tuqDaj HoS je. ben Qo'noS bav wa' maS.

'oHvaD pIraqSIS ponglu'. HoS Sup potlh 'oHpu', 'ach Do'Ha' 'op ben jor. Sovbe'lu' jormeH meq, 'ach ram meqmey. pa' tlhoy tlhIllu' 'e' luHar ghot law'. SuvwI' Segh 'oH tlhIngan Segh'e'. quv potlh law' Hoch potlh puS. tera'Daq pIj japan Segh tIQ rur tlhIngan lurDech, tlhIngan tay je. ngugh chaq nIpon Samuray rur tlhIngan SuvwI'.

qunEdit

ben law' tlhIngan Segh luqIH tera'ngan Dujmey. Do'Ha' ghobchuqchoH tlhInganpu' tera'nganpu' je. ghIq qaStaHvIS DIS law' mev may'mey 'ej taDchoHmo' veS ghu'vaD veS bIr ponglu'. veHmo' ghoHlu', DoQlu' 'ej chaq Suvlu', 'ach not ghoblu'. jorDI' Qo'noS maS qay'qu'choH Qo'noS HuchQeD. ngoDvammo' choHpu' ghu'vam.

SuvlaHchu'taHbe'mo' chaH, DIvI'vaD rojqoq chup gharqan Qang. qaStaHvIS DIS law' QaptaH rojqoqvam. qen Segh nov luHIv tlhInganpu'. ngochvam parmo' DIvI' ghar 'e' mev tlhIngan wo', yuQjIjDIvI' je.

yIlegh jeEdit

mu'ghomEdit

tlhIngan

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki