loSpev, latlh tIrmey je
naH wIjlu'bogh 'oH tIr'e'. 'eS tIDaj 'ej tera'Daq motlhqu'. tIr 'oH loSpev'e'. tera' HochDaq tIr law'qu' wIjlu'. tIrvo' Soj HoS HochHom Suqlu'. vaj Soj potlhqu' 'oH. naQchugh tIr, Sarbogh Hapmey 'ut ngaS. 'ach luwatlhmoHmeH Humanpu', pIj yub luteq, 'ej vaj Hapmey potlh HutlhchoH tIr. motlh ratlh HoS polbogh Hap'e', 'utbogh latlh Hapmey puSqu' je. HachchoHpu'be'bogh SepmeyDaq, Human Soj HochHom 'oH tIr'e'. Hachbogh SepmeyDaq, pIj tIrmey luSoplu' je, 'ach QIv tIr chebmey, Sarmey mI' je luSoplu'bogh.