Fandom

Klingon Wikia

quH nIv motlhchoHghach

218pages on
this wiki
Add New Page
Talk0 Share

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Pavo cristatus albino001xx.jpg

ngaghmeH, wIvmo' be' bo'Deghmey, motlhchoHlaw' loD bo'Degh tlhuQmey 'IH. rItlh Hutlh bo'Deghvam. quH ngoq le'taHghach ghaj 'ej vaj bo rItlh lInglaHbe'. nom luSamlu'mo', 'ej pIj luwamlu'mo', 'ej loDmeyvam ngaghqangbe'mo' be'mey, motlh qubchoH quHmeyvam QIv.

puqmey ghajDI' yaghmey, 'ej qorDu'mey ngo' tamtaHDI' qorDu'mey veb, motlhchoH le'taHghachmey nIv (DIvI' Hol: trait) 'ej qubchoH le'taHghachmey QIv. mIwvam 'oH quH nIv motlhchoHghach'e'. le'taHghachmey luSIgh quH nIv motlhchoHghach. ghaytan taHtaH 'ej ngaghqa'taH 'ej puqmey ghajqa'taH yagh, le'taHghachmey nIv ghajchugh. le'taHghachmey QIv ghajchugh, ghaytan ngab. quH ngoqmo' qaSchugh le'taHghachmeyvam, vaj puqmey vebvaD motlhchoH quH ngoqvam nIv. ghIq, ghu'mey pImvaD, Daqmey pImvaD je le'choHmeH yaghmey, choHmey qaSmoH mIwvam 'ej rut chen mut chu'.

yIn QeDvaD, potlh 'ej 'ut quH nIv motlhchoHghach mIw. mut mung paq qonDI' Charles Darwin, qechvam noymoH. mIwvam DelmeH ghaH, latlh mIw qel. Ha'DIbaHmey luQorghlu' 'ej lungaghchuqmoHlu'meH, Ha'DIbaHmey nIv luwIvlu'. rurchuq mIwvammey 'e' 'agh Darwin. quH nIv motlhtaHghach nger qonDI', quH ngoq nger Sovbe'lu'. quq Darwin yIn, Gregor Mendel yIn je, 'ach vatlh DIS poH cha'maHDIch neH, noychoH Mendel nger. DaHjaj quH nIv motlhchoHghach, quH ngoq nger je lutay'moHlu'ta'.

Also on Fandom

Random Wiki