jungwoq nagh bov paS bop ghItlhvam. Humanpu' qunDaq bov ngo'qu' 'oH nagh bov paS'e'. jungwoqDaq vagh bIp ben bov ponglu'. DIS -1700 Dorpu' bovvam.
DIS 1927 jungwoqDaq Beijing Humanpu'qoq (Latin HolDaq Homo erectus pekinensis lupongtaH tejmey) Hommey lutu'lu'pu', loS bIp ben pagh vagh bIp ben 'e' noHlu'. DIS 1960 YunnanDaq yoSHom nagh Dochmey lutu'lu'pu' je.
Yangshao nugh[]
DISmey -5000 – -2000 Huanghe bIQtIq retlh DabtaH Yangshao nugh (jungwoq Hol: 仰韶, Yǎngsháo). Satlh, naghmey beQ lurItlhbogh, ghajpu'. DIS 1921 Henan yoSHomDaq nughvam vengHom wa'DIch tu'lu'pu', DaH vengHomvammo' "Yangshao" 'oH je nughvam pong'e'.
Longshan nugh[]
DISmey -3000 – -2000 bIQtIqvetlh retlh DabtaHbogh Longshan nugh (jungwoq Hol: 龍山, Lóngshān) chuvmey tu'lu'pu' je. HIvje'mey, 'unmey naghmey je chenmoHvIS po'qu'. reH qIj naghmey beQchaj 'ej boj. Shandong yoSHomDaq vengHommo' nughvam ponglu'.
wej qumwI'pu' vagh ta'pu' je[]
DISmey -2852 – -2205 jungwoq che'wI' chaH wej qumwI'pu''e' vagh ta'pu''e' je ja'lu', 'ach Sovbejbe'lu'. retDaq qumwI'pu'vam ta'pu'vam je Ho'taH Humanpu', Ho'chaj chaHtaH.
wej qumwI'pu'[]
"qun qonwI''a' ghItlhmey" paqDajDaq ghItlh Sima Qian 'e' wej qumwI'pu'' chaH:
- chal qumwI' (天皇)
- yav qumwI' (地皇)
- Human qumwI' (泰皇 人皇 ghap)
chaHvaD pongmey latlh nob Halmey latlh.
vagh ta'pu'[]
naDevDaq rur'eghbe' je Halmey. 100 – 200 benchoH ta'pu'vam ja' wIch. pong wa' Hal:
- ta' SuD (黄帝) — jungwoq nganpu' qempa'qoq.
- Fuxi ta' (伏羲) — chaHvaD ghotI' Ha'DIbaH je wamlaHmeH ghojmoHta'.
- Shennong ta' (神農) — chaHvaD Satlh ghojmoHta'.
- Yao ta' (堯) — puqloDDajvaD Go Quj 'ogh ja'lu'.
- Shun ta' (舜) — YuvaD (禹) mIv'a'Daj nobta'.
DIS -2070 Xia bov lumaq Yao, Shun, Yu ta'pu'.