ghogh HablI' tIQ
ghogh HablI' chu'
jan 'oH ghogh HablI' 'e'.
jatlhmeH lI'qu' janvam. HopDI' cha' ghot vaj ghoghDaj lI'laH janvam. ngoDvammo' 'oHvaD HablI' ponglu'. ben law' tlheghDaq bIH lurarlu', 'ach DaHjaj Qap je tlhegh Hutlhbogh ghogh HablI'. rI'Se' lo' bIH.
DIS motlh 1876 janvam 'oghta' Alexander Graham Bell 'e' luHar ghot law'. 'ach chaq DIS 1871'oH 'oghta' Antonio Meucci. 'ach Do'Ha' Huch Hutlhmo' ghaH, janDaj lInglaHbe'. ropmo' be'nalDaj, QongDaqDaq QotnIS ghaH. vaj teletrofonoqoq 'ogh Meucci be'nalDajvaD jatlhlaHmeH yaHDajDaq vumtaHvIS ghaH.
ghogh HablI' Segh law' lutu'lu'. SoHDaq ghogh HablI'vaD DaqenglaHbogh mobile phone ponglu'. DIS 1980 chu' janvam 'ej tugh noyqu'choH.
janvam lo' De'wI' je. De'wI'mey rarmeH modem lulo'. ghogh HablI' tetlh lo' janvam.