Fandom

Klingon Wikia

Hap

218pages on
this wiki
Add New Page
Talk0 Share

taghpa' QeD vur, HeySel yughbogh Hap motlh'e' neH 'oSmeH mu' Hap lo'lu'. HoS latlh Segh nop Hap qechvam. vIHbe'taHvIS 'ughbogh Hoch pay'an lajmeH qechvam Sachlu'pu'. qay' ghu'vam, Doch 'ughchoHmoHlaHmo' 'ay'meyDaj Do, 'ej vIHbe'taHvIS 'ay'meyvam, 'ughbe'chu'laH. vaj 'op wanI'vaD luj Hap qech 'ej QeD vurvaD qolqoS qech mojHa' rIntaH. 'ach vay''e' yughbogh Dochmey permeH, mu' lI' 'oHtaH Hap'e' je.

HeySelmey yugh Hoch Doch motlh. SujchuqtaHbogh 'ay'mey machqu' yugh HeySel. valtIn yomIj je yughbogh SoSbor Dech tem 'eng. vay' ngI'mo' pay'anmeyvam 'ej vay' muqmo', motlh bIHvaD Hap per tej.

lep betgham SIp je bIH Hap wej Dotlh motlh'e', 'a Dotlhmey Huj DalaH je Hap. lI'choD, Hap Dejchu'ta'bogh je bIH cha' Dotlhvam.

'ughlaHghach Hap je tay' qellu' Edit

'ughlaHghachvaD Hap ghovHa'lu'Qo'jaj, QeDvaD rapbe'mo'. 'opna' choqchu'lu'bogh 'oH 'ughlaHghach'e', pat SoQvaD choHlaHbe'mo'. 'a pat SoQDaq 'op mIwvaD Hap choqbe'lu'. Hap yughbe'bogh 'opna' HoS'e' mojlaH 'opna' HoS 'oSbogh Hap'e' 'ej jaSHa' mojHa'laH. Hap rurbe' 'ughlaHghach, chenmoHbe'lu'mo' 'ej Qaw'be'lu'mo'.

jaS mu' Hap lo' tej Sar. mu'vam 'oSchu'ghach Qochbe'lu'bogh tu'be'lu'. potlhbe' SeQbe'mo' mu'vam. QeDvaD qechna' 'oSchu' 'ughlaHghach 'a 'oSchu'be' Hap. Hap jatlh tej law', vIHbe'taHvIS 'ughbogh pay'an 'oS Hap.

qechmey'e' 'oSbogh Hap Edit

'ughlaHmo' 'ej 'op muqmo' Edit

'ughlaHbogh 'ej 'op muqbogh vay' 'oH Hap'e' 'e' roD Qochbe'lu'. Hap yugh Duj 'e' Qochbe' Hoch, tlhamDaq 'op ngI'mo' joq chungmoHlu' e' qaDmo' 'ej 'op muqmo' je. 'op muqmo', chImbe' logh'e' tebbogh Duj 'ej loghvam DablaHbe' latlh Hap. logh bopbogh qechvam'e' qIjlaH bottaHghach chut 'e' chup tej. tera'Daq wa'DIch bottaHghach chut chuppu' Wolfgang Pauli.

HeySelmo' Edit

'op meqvaD, HeySelmey yughbogh neH 'ay' 'oS Hap. HeySel naQ bIHbe' tat, 'a pIj tatmey yughmeH qech Sachlu'. vaj lI'choD, tat taS qoj yuchlaH Hap qechvam.

valtInmo' yomIjmo' temmo' je Edit

Hap latlh qech qar law' HelSey qech qar puS. pay'In'e' yughbogh HelSey qel qechvam. wej neH pay'In'e' laghlaHbe'bogh vay' yugh HelSey, vaj HapvaD qech chenmoH pay'In. valtIn ruS, yomIj Hujbe'lu', tem ngIng qoj yugh Hap qechvam. HelSey chenmoHmeH boQlaH pay'Invam, 'ach jeS boQlaH je. DejDI' Hovmey, taHbe'choHlaH HelSeychaj. HovHom chISDaq tem betghamHeyDaq Qallaw' ghav qolqoSmey, yInSIp qolqoSmey je.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on Fandom

Random Wiki