change spelling of Europe
| Senatus Populusque Romanus (SPQR) roma' yejquv, roma' nganpu' je | |||||
|
| |||||
| Hol | Latin Hol | ||||
| mon | roma' | ||||
| woQ Segh | wo' | ||||
| area | 5,000,000 km² | ||||
| nganpu' | 88,000,000 | ||||
| puHghom | 17.6 ngan ngaS wa' km² | ||||
| taghmeH DIS | taghpa' bov motlh, DIS 27 | ||||
 | |||||
rInpu'DI' roma' yejquv qum tIQ, chen roma' wo'. HI'tuy'e' che'bogh voDleH 'oH. 'ewrop yermey tIn, Mediterranean bIQ'a' luDechbogh yermey'e' tIn je ghaj. Augustus ghaH voDleHDaj wa'DIch'e'. yIntaHvIS 'ej yInpu'DI' ghaH, roma' qumvaD roma' wo' ponglu'.
qaStaHvIS vaghvatlh DISmey taH nungbogh yejquv qum. yejquv qum lupujmoHpu' 'ej luqalmoHpu' qoD noHmey Sar. cho' ngu'lu'meH, motlh wanI'mey Sar luchuplu'. taghpa' bov motlh (before the Common era), DIS 44, gheS Julius Caesar 'ej ghaHvaD voDleH jubbe' ponglu'. DIS 31, qaS Actium may'. DIS 27, OctavianvaD Augustus pong quv nob yejquv. qumtaHvIS yejquv SachchoH roma', 'ach che'taHvIS Trajan voDleH, 'aqroS yer chav. ngugh, wa''uy' javbIp meyrI' qelI'qam ghaj yer'e' SeHbogh wo'. tInmo' 'ej nI'mo' wo', choHmey'a' nI' qaSmoH yej'anmey, tIghmey je. yerDajDaq Holmey, lalDanmey, qachmey, qechmey, chutmey, qummey je SIghchu'. wa'DIch choH Europe, 'ej SachDI' Europe woQ, ghIq yuQ chuvmey HochHom SIgh.
DortaHvIS vatlh DIS poH wejDIch, tIgh chu' cher Diocletian voDleH. yer tIn Qanchu'meH, 'ej vaj poHvam Seng'a'mey rInmoHmeH, loS voDleHHompu'vaD woQ wab. qaStaHvIS DISmey veb, wo' yerDaq, pIj 'ev boq, chan boq je lungu'lu'. DIS 395, Hegh Theodosius wa'DIch voDleH. cha' bIDmey mojpa' wo', che'bogh voDleH Qav ghaH.
DIS 476, gheSHa' Romulus Augustus 'e' raD Odoacer 'ej vaj Dej 'ev roma' wo'. DIS 1453, Hegh Constantine wa'maH wa' 'ej Constantinople von Ottoman Turkpu'. ngugh Dej chan roma' wo'.