vIraS

République française vIraS
(joqwI') (Degh)
Hol	vIraS Hol
mon	Paris
voDleH	Emmanuel Macron
Qang	Élisabeth Borne
area	674,843 km²
nganpu'	63,044,000
puHghom	111 ngan ngaS wa' km²
Huch	Euro (1 € = 100 ct)
van bom	La Marseillaise
poH mI'	UTC +1
Duj Degh	F
Internet-TLD	.fr
ghogh HablI' mI'	+33
Europe botlhDaq vIraS tu'lu'

EuropeDaq vIraS Sep tu'lu'. roD 'oHvaD French Republic ponglu'. Paris 'oH monDaj'e'. qachmeyDajmo' noy Sepvam: qachmeyvetlh luSovqu'lu': Louvre, Eiffel Tower, Arc de Triomphe, Notre Dame je. vIraS che'lu'meH yoSmey (régions) lutu'lu', yoSHommey (départements) lutu'lu' je. vIraSDaq vengmey potlh law' lutu'lu'. noybej vengmey veb: Marseille, Bordeaux, Lyon, Toulouse, Strasbourg, 'ej monDaj Paris.

Qujmey qaDmey je

Hoch DIS qaS Tour de France. noyqu' wanI'vam. (lengmeH jan 'oH bicycle'e'). qaStaHvIS wej Hogh cha' SaD qelI'qam (3,630 km) vIraSDaq lenglu'. reH ParisDaq rIn lengvetlh. football tIvlu' je. tera' DIS 1998 FIFA qo' qaD luchav vIraS QujwI'pu', 'ej DISmey 1984, 2000 je UEFA qaD QapwI' chaH.

lalDan

vIraSDaq lalDanDaj wIvlaH Hoch ngan 'e' lay' chut. Christus lalDan tay' 54% nganmey; pagh Har 31%; latlh Har 11%; Mohammed lalDan tay' 4%.

yuQQeD

Europe tIngDaq vIraS tu'lu'. chorgh jIl ghaj vIraS: Belgium, Luxembourg, Germany, Switzerland, Italy, Monaco, Andorra, Spain je. cha' HuD'a' ghaj vIraS: Alps, Pyrenees je. vIraSDaq bIQtIqmey law' lutu'lu. Sarbej vIraS muD Dotlh. Sep tIngDaq muD Dotlh SIghqu' Atlantic bIQ'a'. Sep chanDaq bIrqu' 'ej tujqu' muD.

Eiffel tower.

Dochmey noy

vIraS chalqach noyqu' 'oH Eiffel Tower'e'. ParisDaq 'oHtaH. noyqu' je Mont St. Michel.

Hol

vIraS Hol 'oH vIraS ta' Hol'e'.

latlh Holmey law' lujatlhlu' je. 'evDaq Alsatian Hol jatlhlu', DoyIchlan Hol rur Holvam. qaStaHvIS vatlh DIS poH wa'maHchorghDIch EuropeDaq vIraS Hol jatlhpu' qumwI' law'. latlh Holmey jatlh ngan 'op: Basque Hol, Breton Hol, Catalan Hol, Corsican Hol, DoyIchlan Hol, ne'Derlan Hol, Occitan Hol je.

yoSmey

vIraS loHmeH cha'maH cha' yoSmey lutu'lu':

1. Alsace 2. Aquitainebr 3. Auvergne 4. Basse-Normandie 5. Bourgogne 6. Bretagne 7. Centre 8. Champagne-Ardenne 9. Corsica 10. Franche-Comté 11. Haute-Normandie

12. Île-de-France 13. Languedoc-Roussillon 14. Limousin 15. Lorraine 16. Midi-Pyrénées 17. Nord-Pas-de-Calais 18. Pays de la Loire 19. Picardie 20. Poitou-Charentes 21. Provence-Alpes-Côte d'Azur 22. Rhône-Alpes

pIm Corsica Dotlh. 'oHvaD collectivité territoriale ponglu'.

loS yoSmey Hopqu' ghaj vIraS:

1. Guadeloupe
2. French Guiana
3. Martinique
4. Réunion

Hur De'

• vIraS pu'jInmey nagh beQ je
• vIraS lengmeH DevwI'
• vIraS mon Delbogh paq, nagh beQ ghaj, pu'jInmey ghaj je
• vIraS nagh beQ
• vIraS pu'jIn