Deutsche Welle Degh
Germany rI'Se' De' ngeHwI' 'oH Deutsche Welle'e'
qun[]
DIS 1994 dwelle.de taghDI' DW, tv online website wa'DIch 'oH. qaStaHvIS DISmey veb tInchoH 'ej tera'Daq noyqu'choH DW qo'.
DIS 1994 taghDI' DW Internet, Dunbe' De'Daj. che'wI' veb wIvmeH De' neH 'aghlu'. Qu'vam ta'meH wej vumwI' neH tu'lu'. SughmeH chaH, raS, ghogh HablI' je SamnISpu'.
machqu' ghom luch, 'ach Qapchu'mo' jInmol, website ru'Ha' cherlu'ta'. DW De' 'agh Daqvam 'ej pa' HIDjolev 'aghlu'. DIS 1995 website rachlu', lut chu', lut poj je chellu'DI'. GermanyDaq website QInpIn 'oHmo' Süddeutsche Zeitung websiteDajvaD rarlu'pu' DW ja'wI' QIn 'ay'.
DorDI' wa' DIS DW Internet vanlu', DaqDajDaq Holmey law' lo'mo'. QIt DW websiteDaq wejmaH wa' Hol chellu'pu'. vaj Amharic Hol website wa'DIch chenmoHta' DW. Do'Ha', pujpu'mo' De'wI'pat Deghmey ghItlhlaHbe' De'wI'mey 'ej Deghmey lucha'nISlu'. ngugh De' 'anglu'meH roD ruQlu'. ngoDvammo' DujHey nov Delbogh QIn ngeD cha'laHta' vay'. laDwI'pu' law' mISmoH ghItlhvam. reH DW luvoqtaH chaH 'ach lutvetlh luHarlaHbe'. noy 'ej Qat DW 'e' toblu'chu', ghelmo' ghot law'qu'.
tera' DIS 1998 cham DevwI' moj DW, online Se' wa'DIch 'oHmo' 'ej GermanyDaq livestream wa'DIch jommo'. teH. Qapchu'mo' DW Internet, latlh DW yaHmeyDaq De'wI' lo'choHlu'qu' 'ej QummeH jabbI'ID lulo'choHlu'. vaj tera' DIS 2000 cha'maH vagh Hol SeHlaHbogh qoDDe' vu'wI'pat wa'DIch Suq DW Internet. janvammo' De'wI'DajDaq ghItlhmey 'aghlaH Hoch ghItlhbogh ja'wI' 'ach cham Sov ghajbe'bogh. 'oHmo' law'qu'choH DW Internet jeSbogh ja'wI' 'ej ghurtaH De' Sar.
DIS 2001, jar wa'maHwa'DIch, jaj wa'maHvagh taghqa'lu'DI' website, DaHjaj qab Suq DW. ghIq 'oHvaD DW-world ponglu'. WebsiteDajDaq radio TV je HIDjolev chelchu'mo' DW qo', tera'Daq QIn po'wI''a' moj. Live radio tv je streams'e' pup poQlaHbogh vay' muchta' DW. Online QIn qawHaq nIvqu' nobmeH Hoch DW jo lo'lu'. qen choH DW qo' woQ. DaHjaj DW jInmol 'ay' wejDIch 'oS DW qo'.
'oH potlh law' DW-tv DW-radio je potlh nIb 'e' tob jInmolvam: rut jIjpu' DW 'ay'mey. DW-world.de websiteDaq German Hol De'wI' paQDI'norgh cherlu'. ngoQ luchavmeH jIjpu' chaH, Goethe yejHaD, Wolters Kluwer je (woQ ghaH). jInmolvaD QaHtaH Germany nov vaS'a' Dev'wI'quv, Porsche je. DW-tvDaq, Goethe yejHaDmeyDaq je German Hol paQDI'norgh chellu'DI', novvaD German Hol tIgh je 'aghlu'chu'.
qen qaS wanI' le'. DW qo' online QIn qawHaq chenmoHmeH ta'mey Dun luquvmoHlu'chu': DIS 2003 bID DW QIn nIvqu'vaD Best News Story van lunobta' NetMedia European Online Journalism Award 2003. EuropejijDIvI' yoSmey chu' qel QIn. Radio jabbI'ID QIn, Europe QIn je 'aghmeH Qu' chavchu' DW qo' 'e' tobqa' vanvam. 'ej DIS 2003 qaStaHvIS DW qoS vaghmaH lopvaD cha'nob rur van. 'ach QaQqu' DW online QInmey 'e' tobchu' je ngoDvetlh: Hoch jajmey DW qo' De' Suq 'ej 'agh luneH qoch law'. 'ej tera'Daq Dat Dab chaH.