tlhIngan Hol
Register
Advertisement
450px-Tea leaves steeping in a zhong čaj 05

Dargh HIvje'Daq 'op Dargh pormey luHaHlu'.

tlhutlhmeH Soj motlh 'oH Dargh'e'. Darghmey Sar lutu'lu'. luvutlu'meH, Soj QaD lulo'lu'. SojvamvaD Qenvob ponglu'. bIQ tujqu'Daq Qenvob HaHlu'.

tlhIngan Dargh[]

tI Hap, Ha'DIbaH Hap joq ngaS tlhIngan Qenvob. HaHlu'pa', 'utchugh, pe'lu'. Qenvob lo'be'lu'chugh, vaj naHmey baQ lulo'lu'. luyoblu' 'ej SIbI' luHaHlu'. bIQ na' lumaS tlhInganpu'. runpI'Daq, HIvje'Daq joq vutlu'. Dargh tlhutlhmeH HIvje' le'vaD Dargh HIvje' ponglu'.

tlhIngan Dargh tay[]

Dargh tlhutlhlu'meH, reH QaQ 'eb. 'ach Dargh tay SeQqu' lulop je tlhInganpu'. Dargh vutlu'meH 'ej tlhutlhlu'meH, 'op mIwmey SeQ lupablu'. tlhInganvaD SuQ Darghvam, 'ach tlhutlhchugh Human, Heghbej. tay luloptaHvIS, nItebHa' Dargh lutlhutlh cha' juppu'. vaj toDuj lutob. Heghlu'DI' mobbe'lu'chugh QaQqu' Hegh wanI' 'e' luqaw je.

tera'ngan Dargh[]

Ha'DIbaH Hap ngaSbe' tera'ngan Qenvob. pormey, tIrmey, 'oQqarmey joq lulo'lu'. roD tI HapDaq bIQ tujqu' lIchlu' 'ej HaHlu'. rut qulDaq tIrmey, 'oQqarmey joq lutujmoHlu' je. ghIq Dargh watlhmoHlu' 'ej rut HaQchor chellu'.

Hur De'[]

mu'ghom
mu'ghom: Dargh – mu' QIjwI', mu' Sung, rurbogh mu'mey je
Advertisement