FANDOM


Deutschland
DoyIchlan
Flag of Germany
Coat of Arms of Germany
(joqwI') (Degh)
Hol DoyIchlan Hol
mon Berlin
voDleH Joachim Gauck
Qang Angela Merkel
area 357,050 km²
nganpu' 81,859,000
puHghom 229 ngan ngaS wa' km²
Huch Euro (1 € = 100 ct)
taghmeH DIS 1949
van bom Deutschlandlied
poH mI' UTC +1
Duj Degh D
Internet-TLD .de
ghogh HablI' mI' +49
Europe location GER
Europe botlhDaq DoyIchlan tu'lu'

tera'Daq Europe SepDaq DoyIchlan (DoyIchlan Hol: Deutschland) yoS tu'lu'. tera'vaD lenglu'DI' lurDechDajmo', Hatlh DunDajmo' pIj pa' ghIQlu'.

motlhEdit

QubwI' yoS ponglu'bogh yoS luDab chorghmaH cha' 'uy' ghot. DoyIchlan Hol lujatlh DoyIchlan nganpu', 'ach pa' Dabmo' Soch vI' wej uy' novpu' Holmey law' lujatlhlu'. cha'vatlh qelIqam juch yoS 'ej vaghvatlh qelIqam 'aD. monDajvaD Berlin ponglu'. tay'qa'ghach 'oS vengvam, qaStaHvIS vaghmaH DIS wavlu'mo' DoyIchlan. 'a DIS 1990 jar wa'maHDIch jaj wej GDR (German Democratic Republic) ghanglu' 'ej DoyIchlan muvqa'. qaStaHvIS poH veb wa' veng mojchoH cha' Berlin 'ay'mey 'ej wa' yoS mojchoH cha' DoyIchlan 'ay'mey.

taghDI' tera' DIS 2002 euro Huch cherlu'. DoyIchlanDaq, Europe SepDaq tay'bogh wa'maH wa' latlh yoSDaq je lo'choHlu'. Dajbej ghu'. Euro lo'choHlu'DI' baS nav je Huch lInglu'. DIllu'meH 'ul lo'lu'be'. QIjlu': wa' cigarette ngaSwI' DIlmeH loS euro poQlu'. tera' latlh Huch potlh 'oH dollar 'e'. tlhoS, wa' dollar rur wa' euro.

ghoch che'wI' jeEdit

Democracy 'oH DoyIchlan ngoch'e'. DaH DoyIchlan che' Angela Merkel Qang, CDU tay'. qaStaHvIS wa'maH jav DIS che'taH CDU tay'bogh Helmut Kohl. jIbDaj nguvmoHlaw' Gerhard Schröder Qang 'a chIDlaHbe'ba' ghaH. DIS 2002 wIvqa'lu'. DevwI' potlh je ghaH Joschka Fischer Hur gharwI''e'. HaDtaHvIS DIS javmaH chorgh Daw' tlhej ghaH. qaSDI' gharwI' muvtay, qetmeH waq tuQ Fischer. DIS 1999 New York marathon chav ghaH. federal ngoch 'oHmo' DoyIchlan, yej qum je ghaj Hoch wa'maH jav yoSHom (bIHvaD Bundesland ponglu'). vaj yoSDaj che'meH ngochDaj lo' Hoch qum. rut HaDmeH yoS Hop qaq law' yoSHom Sum qaq puS 'e' lutu' HaDwI'pu' law'. (Qatlhqu'mo' DoyIchlan tIng yoS DuSaQmey, HaDmeH pa' ghoSbe' 'ev chan je HaDwI'pu'. ngoDvammo' HaDlu'meH QatHa' yoSHomvam.)

potlh lupwI'Edit

tera' Sepmey pIm law' DoyIchlanmey pIm nIb. 'evDaq bIQ'a' Hatlh 'IHqu' tu'lu' 'ej tIngDaq HuD tIvlu'. ngoDmeyvammo' yoSDajDaq lengchu' 'e' lutIv DoyIchlan nganpu'. ngeDqu' lengmey Dat Hemey law'qu' ghajmo' yoS. tIngvo' 'evDaq, 'evvo' chanDaq ngeD lengmeH Qu' 'ej waghbe' lupwI'. baS lupwI' tu'lu', bIQDaq lenglu', muDDaq lenglu', 'ej ghorDaq nIn SIp meQbogh Duj lo' 'e' tIv tera'ngan. 'Itlhqu' DoyIchlan lengmeH pat, 'ach gho'Do neH lulo'laH. pa' Dabmo' ghot law', rut lenglu'meH cha' baS gho ghajbogh jan Huj lo' DoyIchlan nganpu'. janmeyvaD lenggho ponglu'.

Duj nongwI'pu' yoSEdit

DoyIchlanDaq ghorDuj 'oghlu'. ('oHvaD automobile ponglu', vIHwI' 'oS mu'vam 'ej nIn meQ QuQDaj.) DoyIchlan cham Sov'a' 'oS Dujvam. DoyIchlanDaq 'op Duj lIngwI' tu'lu'bogh po' law' tera' Duj lIngwI' law' po' puS. Mercedes, Porsche, BMW je lIngmo' chaH, DoyIchlan 'op Duj Dun law'qu' tera' Duj Dun puS. ngoDvammo' DoyIchlan HeDaq Do wIvlaH Hoch chIjwI' net Harbej. tera'Daq pIjHa' qaS ghu'vam.

Qujlu' 'e' tIvlu'Edit

DoyIchlanDaq Huch law' bajlu'. tera'Daq bajwI' nIv chaH DoyIchlan nganpu''e'. vumtaH neH chaH net Harlaw', 'ach teHbe'. roD football (moQQuj vIpong) 'oH bel potlh'e'. DoyIchlanDaq, Europe SepDaq je lurDech tIQ 'oH Qujvam'e'. 'ach pay' DIS 1954 moQQuj worldcup (moQQuj qaD'a' 'oH, jeS Hoch tera' yoSmey) Qapchu'DI' DoyIchlan, noyqu'choH Quj. Qapla'vammo' jeQqa' DoyIchlan. tera' noH'a' cha'DIchmo' jeQbe'lu'. qen qun wanI'vam Delbogh cinema lut waghqu' lInglu'ta'. 'ej DIS 1974, 1990 je Qapqa' chaH. DIS 2006 DoyIchlanDaq cha'logh tera' qaD'a' cherlu'pu' 'e' lutIvbej nongwI'pu' law'qu'. taghchu'pu' wanI''e' lIjlaHbe'bogh vay' chenmoHmeH Qu'.

loplu' 'e' tIvlu'Edit

reH vumtaH 'ej SaghtaH DoyIchlan nganpu' 'e' luHar tera'nganpu' law'. 'ach pa' Suchlu'DI' choHbej vay' vuD. vuDlIj DachoHbe'chugh 'ej DoyIchlan ngan DaqIHchugh vaj Damerlu'bej. tlhoy lop 'ej lopchu' DoyIchlan ngan law'. rInDI' yaHDaj Qu' roD tachDaq juppu'Daj ghom 'ej wornagh lutlhutlh (rut wornagh 'Iq tlhutlhlu'.) 'ej yIqaw: pIjHa' Sauerkraut Soplu' 'ej Lederhosen tuQlu'. chaq DoyIchlan tIngDaq lurDech lop loplu'DI' 'oH tuQlu'. lop 'e' tIvmo' Hoch ngan, DoyIchlanDaq roD Dat loplu'. 'ach Hoch DIS jar cha'DIch qaStaHvIS loS jaj wa' lopno''a' moj yoS 'ay' law'. Düsseldorf, Cologne, Mainz je vengDaq Karneval botlh'a' tu'lu'. pa' lop 'ej ghom novpu' nuvpu' je. jechlu' 'e' tIvlu'chu'. rut clownpu', veqlargh, tlhIngan ghap 'oS jechmey.

yoSHommeyEdit

DoyIchlan wa'maH jav yoSHommey (Bundeslandmeyqoq) monmeychaj je 'aghtaH tetlhvam. veng'a'mey bIHmo' je, mon lughajbe' wej yoSmoHmey.

Europe Sepmey tlhab

AlbaniaAndorraArmeniaAustriaAzerbaijanBelarusBelgiumBosnia Herzegovina jeBulgariaCroatiaCyprusCzech RepublicDenmarghDoyIchlanEstoniaGeorgiaIcelandIrelandKazakhstanLatviaLiechtensteinLithuaniaLuxembourgMacedoniamaDyarMaltaMoldovaMonacoMontenegrone'DerlannoreghPolandportughalraSya'RomaniaSan MarinoSerbiaSlovakiaSloveniaSuverya'SuwomIySwitzerlandtuqjIjQa' turIqya'UkraineVatican vengvIraS'elaDya''eSpanya''Italya'

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki